Unang Markahan

Napahahalagahan ang katotohanan sa pamamagitan ng pagsusuri sa mga: balitang napakinggan, patalastas na nabasa/narinig, napanood na programang pantelebisyon, nabasa sa internet

Nakasusuri ng mabuti at di-mabuting maidudulot sa sarili at miyembro ng pamilya ng anumang babasahin, napapakinggan at napapanood: dyaryo, magasin, radyo, telebisyon, pelikula, Internet

Nakapagpapakita ng kawilihan at positibong saloobin sa pag-aaral: pakikinig, pakikilahok sa pangkatang gawain, pakikipagtalakayan, pagtatanong, paggawa ng proyekto (gamit ang anumang technology tools), paggawa ng takdang-aralin, pagtuturo sa iba

Nakapagpapakita ng matapat na paggawa sa mga proyektong pampaaralan

Nakahihikayat ng iba na maging matapat sa lahat ng uri ng paggawa

Nakapagpapatunay na mahalaga ang pagkakaisa sa pagtatapos ng gawain

Nakapagpapakita ng kawilihan sa pagbabasa/pagsuri ng mga aklat at magasin, nagbabasa ng diyaryo araw-araw, nakikinig/nanonood sa telebisyon sa mga “Update” o bagong kaalaman, nagsasaliksik ng mga artikulo sa internet

Nakapagpapahayag nang may katapatan ng sariling opinyon/ideya at saloobin tungkol sa mga sitwasyong may kinalaman sa sarili at pamilyang kinabibilangan

Nakapagpapahayag ng katotohanan kahit masakit sa kalooban gaya ng: pagkuha ng pag-aari ng iba, pangongopya sa oras ng pagsusulit, pagsisinungaling sa sinumang miyembro ng pamilya, at iba pa

Nakapaghihinuha na nakapagdudulot ng kabutihan sa pagsasama nang maluwag ang pagsasabi nang tapat